Lima a Daniw ni HONOR BLANCO CABIE
Piton ni Milek Andrey
1
Nangakupak sangadisso a tapok, iti panangingatok
kiniddawko ti adu a kanaganan a kas kaadu
dagiti rinet ti tapok, nalipatak nga impallangatok
Manipud Kadagiti Agdama a Kameng ti Bannawag: Dios ti Agngina!
koma isuda dagitay tawen ni maysa nga agtutubo.
--naadaw manipud iti Metamorphoses ni pūblius
ovidius nāsō, am-ammo kadagiti Ingles a ni Ovid,
maysa a mannaniw a taga-Roma, idi panagari ni
Augustus.
marikriknak a kankanayon 'diay
inna panangipatpateg kaniak,
lailona pulos di agsarday.
ellekna 'tay mangted ti murmuray,
kabagis 'diay inna ipurpuruak
a pardas balikas mangitag-ay.
no 'tay madlawnan mabisinak, ay!
dagdagus nga agluton, karkarmak
rukbab igpilannan agkidkidday.
espeho 'tay ig-iggamanna 'diay
yan lamisaan a pagpasarak –
daras, siak lilona, malinglingay.
awan umasideg mangartap 'diay
kanayon a makitat' karkarmak,
kanayon a kaniak mangitag-ay.
estilona umabay-abay, ay!
langeb ken lilona 'tay maiparsiak,
es-es rikna paltikanna, rayray
ngayed isagutna daras kaniak.
2
I'm gonna make lilo some hambugu. Dews
bwed, anodew bwed, letus, cheese, cawots
and tomatos. I fogot the patty...coming wayt
up, hiw yo go...
--milek, @4.23 pm dua a tawen itan ti napalabas,
idi lima pay laeng ti tawenna.
ilutlutuannak kankanayon
apok pagliplipiasan kinanakem
panagtrabahok sango ti kompiuter
nakadardaras yaabayna kaniak
meriendak pangmalem ilutona
dadduma agdrowingdrowing
addad'ta drowingenna lilona
balay bullalayaw langit ulep
kaykayo init bulan uray ania
dagiti agay-ayam pampanunotna.
~nanakem~
pampanunotna agay-ayam dagiti
ania uray bulan init kaykayo
ulep langit bullalayaw balay
lilona drowingenna dadduma
ilutona pangmalem meriendak
kaniak yaabayna nakadardaras
kompiuter ti sango panagtrabahok
kinanakem pagliplipiasan apok
kankanayon ilutlutoannak.
3
iti panagsingising init 'diay
sang-at* dagdagus a malang-abko
'tay mangdalus agong, mangmurmuray:
manen adda baro a lubongko.
bakruyennak daydiay pul-oy bigat,
daras ingatonak manipud 'ti
kinelleng nga itan agrimrimat –
kas balitoken dagidi bin-i.
innak maal-allingag met ragsak
da kiaw, da sitsitit, perperroka,
al-allawigan ken kakok – kunak
ragsakda ket ragsak met 'toy rikna.
anienminto umay a bulan 'tay
indawa ti raep a maiburnay.
*lugar a yan dagiti kinelleng 'diay upon
iti ili ti pinili, ilocos norte; panagsingising
ti init iti dayta nga aldaw 'diay ilocos norte
ken rizal: 5.47.
4
Kasla sangsangailiak idi nagawidak (nagan
ti ilida), Awan malasinkon.
--paset ti imbalikas ni leon safa iti
saritaanda iti kaklaseanna iti elementaria
iti panagawidna iti ilida.
nagsarimaddeng ni atanudko
idi nabasanat' inkur-it ti
kaklasena, tawenen 'tay adu,
addada't elementaria idi.
agpadada nga addaanen 'tay
appo – ania ngarud nagawid 'ti
naminsan 'diay sidiran ti bantay:
awan mailasinnan kas rabii.
kabaddungalanna napandan 'diay
labes ti turod a pagtakderan
ti presidensia – 'tanudko, ay-ay
pay gasatna, kaslan nayaw-awan.
ni maysa a kailian ta awan
man la daytay nangsiko't pagnaan.
5
kaduak ida a nagitultulod
kadagiti pimmusay a napan
'ti lubong a pagin-inanaan --
ramramay ken bibig awan pudpod.
kalgaw wenno nepnep kadagidi
a panawen 'tay gurong, tumeng 'tay
pagang-angsan piskel di agsarday,
agari 'tay saranta 'ti bagi.
ay! ngem ania metten, atanudko,
kaduak a nagitultulod awan
ni maysan a pasalsali kaniak,
mangibaga mangitulodkamto.
sisiakon 'toy nabati't pagnaan –
anian pananglemmes kaniak 'toy luak.
