MISS GUMIL HAWAII 1973. Ni Susana Lacuesta Rodriguez (Tagavilla itan), Miss GUMIL Hawaii 1973 wenno Reyna ti Gunglo Dagiti Mannurat nga Ilokano iti Hawaii 1973 (kanawan), kaduana ni kasinsinna, Aida Rodriguez-Ordoña, iti ipapasiarna iti Filipinas itay nabiit. Tubo ti Badoc, Ilocos Norte ni Miss GH 1973; tubo met laeng ti Badoc, I.N., agpapaay ni Aida iti pamilia ni Ilocos Norte Vice-Governor Cecilia Araneta Marcos.BACARRA, ILOCOS NORTE. Ti grupo dagiti mannursuro iti MMSU-CAFSD ken ti Research and Extension Units ti MMSU met laeng iti ibibisitada iti naaramid a 15th National Rice Technology Forum/Demonstration (NRTF) iti Brgy. 34, Cabaruan, Bacarra, Ilocos Norte. Daytoy a technology demonstration ket paset ti agtultuloy a gannuat dagiti nadumaduma nga ahensia iti benneg ti agrikultura tapno maipakita dagiti napasayaat a teknolohia a mangpaadu iti apit. Naipasdek daytoy iti nasurok a 30 nga ektaria a kataltalonan a pakaipakatan dagiti technology interventions iti panagaramat kadagiti hybrid seeds, balance fertilization/nutrient and pest management, ken pannakapasayaat dagiti dike ken kanal. (MRGano)PRESIDENTE TI NATIONAL FSCAP. Ni retirado nga RTC Judge Joven F. Costales (tengnga) iti panagsapatana itay nabiit a Presidente ti National Federation of Senior Citizens Association of the Philippines, Inc. (National FSCAP] iti sango n Bise-Gobernador Mario Eduardo C. Ortega ti La Union (maikadua iti kanawan] a sinaksian da (agpakanigid) Bokal ti La Union Ruperto Rillera Jr.; Natividad Pelaez, Bise Presiodente, 1st District, La Union Federation of Senior Citizens; ken Norberto Ancheta, Bise Presidente, 2nd District. Ni Judge Costales ti agdama a presidente ti barangay, munisipal, probinsial, rehional ken nagpaay nga Executive Vice-President ti National FSCAP iti 18 a tawen. Malaksid iti panangidaulona kadagiti senior citizen iti Region 1, binangon ken idauluan ni Judge Costales, agpapaay pay a kolumnista ti Bannawag (“Saludsodem ken ni Apo Hues”) ti Tarabay Association of Naguilian. Kinunana a no madanon ti kameng ti edadna a 85, maikkan iti PhP15,000 a sagut, no madanonna ti edad a 90, masagutan iti PhP20,000; no 95, PhP25,000; ket no 100, PhP100,000 malaksid iti PhP100,000 nga ited ti gobierno.LA PAZ, ABRA. Iti panangpasiar ni Alfredo E. Verzosa, mannurat ken dibuhista ti Bannawag (kanawan], ken ni Roberto Palope, mannurat met laeng ti Bannawag, iti pagtaengan ti naud-udi iti Ar-arosip, Buli, La Paz. Agpadada a nagturpos idi 1981 iti Abra School of Arts and Trade (Abra State Institute of Science and Technology iti agdama ngem naaprobaranen nga agbalin a University of Abra) iti kurso a Bachelor of Science in Industrial Technology. Nagpaay ni Verzosa a kas Graphic Artist/Illustrator iti Tihama Advertising (1984-1999) ken kas Art Director iti Impact BBDO International (1999-2019). In-inauna iti sumagmamano a tawen, nakapagtrabaho met ni Roberto iti Kapitolio ti Bangued a kas clerk/draftsman iti Provincial Assessor’s Office, Bangued, Abra sa nagtrabaho iti munisipio ti La Paz, Abra a nagretiruanna a kas Draftsman-designate iti Municipal Planning and Development Office idi 2014 ken nagpaay nga Editor-in-Chief ti ABRAham Journal (dati nga Abra Bulletin).
