Pimmusay ni Phoebe Lindawan Astudillo, immuna a Miss GUMIL Filipinas, itoy maika-30 ti Oktubre iti pagtaenganda iti Sto Niño, Plaridel, Bulacan gapu iti cardiac arrest kalpasan ti komplikasion iti breast cancer.

Agtawen iti 70 ni Phoebe, naipasngay iti Banayoyo, Ilocos Sur (tubo ti Banayoyo ti inana; tubo met ti Penarrubia, Abra ti amana), ken nangileppas iti abogasia iti University of Baguio sakbay a nakoronaan a Miss GUMIL Filipinas, ti gunglo dagiti mannurat nga Ilokano ditoy pagilian ken iti ballasiw-taaw, idi 1980.

Inulila ni Phoebe dagiti walo nga annakna, da Jimralph, maysa a graphic artist iti Spectrum Graphix; Macoy; Jehan; Amina, propesora iti La Consolacion University; Litz King; Bless; Romina; ken Rainer; ken sumagmamano nga appoko. Saan pay a masinunuo no kaano ti pumpon, babaen ti palawag ti maysa nga anak ni Phoebe. (Honor B. Cabie)