Ni Anna Liza M. Gaspar, mannurat ti Bannawag, ti nakagun-od iti Maika-3 a kangatuan a puesto (91.70%) iti kalleppas a Career Executive Service Written Examination (CESWE) a naggigiddan a naiwayat iti tallo a testing centers idi Hunio 26, 2022—iti University of the Philippines iti Quezon City, University of Cebu iti Cebu City, ken iti Department of Education iti Davao City.

Daytoy ti umuna nga in-person a pannakaiwayat ti CESWE iti sibubukel a pagilian kalpasan ti temporario a pannakaisardeng daytoy nga eligibility examination para kadagiti Career Executive Service officers gapu iti pandemia a COVID-19.

Dagiti kakadua ni Gaspar, dati pay nga agtrabaho iti LGU Piddig, Ilocos Norte, nga adda iti Top 10:

Umuna, Maria Clarisse T. Ligunas, Department of Education Central Office (93.46%);

Maika-2, James Benedict R. Gutierrez, Department of Justice (92.99%);

Maika-4, Lawrence V. Madriaga, Philippine Science High School (91.52%);

Maika-5, Czarina C. Besares, Development Bank of the Philippines (91.49%);

Maika-6, Diona A. Aquino-Javate, Presidential Management Staff (90.93%);

Maika-7, Ma. Rosanna C. Lucio, Authority of Freeport Area of Bataan (90.85%);

Maika-8, Mary Joy O. De Leon, Department of Budget and Management (90.54%);

Maika-9, Christian M. Nagaynay, Department of the Interior and Local Government (90.39%); ken

Maika-10, Jeremey Jones B. Maramag, Department of Education-Tuguegarao City (90.33%).

Mapan a 74.42% wenno 291 kadagiti 391 a nageksamen ti nakaruar itoy a napalabas a CESWE.

(Naipablaak iti Bannawag, Dis. 1-15, 2022 a bilang)