DUA a nailian a pammadayaw ti impaay ti Department of the Interior and Local Government iti Gobierno Probinsial ti Ilocos Sur idi Disiembre 12, 2022 bayat ti naangay a SubayBAYANI Awarding Ceremony a naangay iti Cocoon Boutique Hotel iti Quezon City. Imbagian ni Provincial Administrator Marlon Flavier Tagorda, MPM (maikatlo iti kanigid) ti PG-Ilocos Sur a nangawat iti SubayBAYANI Special Award for Results-Based Monitoring and Evaluation for LGU Infrastructure Projects (RLIP) ken SubayBAYANI Special Award for Support to Barangay Development Program (SBDP) a mangipakita iti kinasiglat ti LGU a mangyimplementar, mang-monitor ken mang-evaluate kadagiti proyekto iti masakupanna. Iti ladawan, kadua ni PA Tagorda dagiti dadduma pay a napadayawan nga LGUs iti Rehion Uno ken dagiti mangidaulo iti DILG Region 1. (Teksto: Mancielito Tacadena/ Ladawan: Pammadayaw ti Opisina ti Gobernador)
