SANGAGASUTEN TI TAWEN NI TATA BUENO! Rinambakan ni Graciano "Bueno" Gasmen ti maika-100 a panagkasangayna itay Dis. 18, 2022 iti pagtaenganda iti Lungog, Narvacan, Ilocos Sur. Personal nga indanon ni Mayor Pablito Sanidad ti PhP50,000 a tseke a sagut ti LGU Narvacan ken ni Tata Bueno. Kadua ni Mayor Sanidad da SBM Edna Sanidad ken MSWDO Pauline Cabunoc. Nabayag nga Operations Manager ti Velca Trans ni Tata Bueno sakbay a nagpa-Hawaii. Kadua ni Tata Bueno a nangrambak iti panagkasangayna dagiti annakna a da Joseph ken Imelda, propesora iti Ilokano Studies iti University of Hawaii at Manoa a kaduana iti ladawan, karaman da Rosalia Gasmen a kasinsinna, dagiti appokona a da Alexis Amor ken Roda nga appokona, Eliezer A. Erice, mannurat ti Bannawag, ken Eliseo B. Contillo, Information Officer ti LGU Narvacan.
