AUXILIARY COMMODORE TI PCGA EXECUTIVE SQUADRON. Opisial a nagsapata a kas kameng ti Philippine Coast Guard Auxillary ni Gob. Jeremias “Jerry” Singson ti Ilocos Sur idi Pebrero 21, 2023. Ni PCG Commandant Artemio M. Abu, CG ADM, ti nangisayangkat iti Donning of Rank ken Oath a naangay iti National Headquarters ti Philippine Coast Guard, Port Area, Manila. Nadutokan ti gobernador a kas Auxiliary Commodore ti PCGA Executive Squadron. Kinuna ni Gob. Singson nga usarenna ti posisionna iti pannakaipatungpal ti mision ti PCGA a mangsalbar iti biag, mangisiguro iti kinatalged iti baybay ken iti panangyimplimentar kadagiti linteg a mangtagiben iti nakaparsuaan. (Teksto: Mancielito S. Tacadena/Pammadayaw ti Opisina ti Gobernador dagiti ladawan)
Tao, Lugar, Pasamak
