Pimmusay ni Nana Loreta “Rita” Lucas Nesperos, nanang ni mannurat ti Bannawag Daniel L. Nesperos iti tawenna a 80 idi Pebrero 26, 2023.

Tubo ti Brgy. San Lorenzo, San Nicolas, Ilocos Norte ni Nana Rita; kaingungotna ni Angel Nesperos (pimmusayen) a tubo ti San Fernando, La Union.

Inulila ni Nana Rita dagiti annakna a da Daniel (kaingungotna ni Dr. Imelda Q. Nesperos; annakda da Ian Dane ken Isaas Dave) ken Angelina (kaingungotna ni Marcelo Bernabe; anakda ni Thea.)

Pimmusay sumagmamano a tawenen ti napalabas ti inauna nga anak ni Nana Rita, ni Alfonso.

Maitabon ni Nana Rita inton Marso 6 iti Municipal Cemetery, San Nicolas Ilocos Norte. (Aileen R. Rambaud)