Indauluan da Senador Imee Marcos, Gobernador Jeremias “Jerry” Singson ti Ilocos Sur ken Bise-Gobernador Ryan Singson ti Ilocos Sur ti pannakalukat ti kalkalpas a Bantay (Ilocos Sur)-San Quintin-Langiden (Abra) Road bayat ti ibibisita ti senadora iti probinsia idi Marso 3, 2023. Agatiddog ti kalsada iti dandani dua a kilometro a mamagsilpo iti Rehion Uno ken Cordillera Administrative Region (CAR).
Manamnama nga ad-adda pay a rumangpara ti ekonomia kadagiti naagapad a lugar gapu iti napasayud a biahe iti nagbaetan dagiti dua a rehion.
Naaramid met laeng iti dayta nga aldaw ti pannakairugi ti rangtay nga agatiddog iti 350.90 a metro a paset ti proyekto. (Mancielito S. Tacadena)
Da Ilocos Sur Gov. Jeremias “Jerry” Singson, Sen. Imee Marcos ken Ilocos Sur Vice-Gov. Ryan Singson (maikatlo, maikapat ken maikalima manipud iti kanigid, kas panagsasaganadda) iti panangidauloda iti ground breaking ceremony ti rangtay a paset ti proyekto a Bantay (Ilocos Sur)-San Quintin-Langiden (Abra) Road bayat ti ibibisita ti senadora iti Ilocos Sur idi Marso 3, 2023. (Teksto: Mancielito Tacadena/Pammadayaw ti Opisina ti Gobernador dagiti naaramat a ladawan)
s
