MUNAMON TI NAMRUANGAN. Iti baet ti nakaro a bara ti init, naisem dagiti mangngalap ti Namruangan, Cabugao, Ilocos Sur bayat ti panangitakdangda iti iket ti inwayatda a daklis. Iti panangrugin ti kalgaw, mangrugi metten nga umadu ti makalapanda nga ikan ket namanamaenda a mapunno amin a kuribot ken planggana nga itugotda iti itatapogda (akimbaba a ladawan). Ilako met dagiti assawada dagiti madaklisanda iti tiendaan ken idanonda met iti balbalay dagiti nagorder online wenno dagiti nagpakaammo iti post-da iti social media. (Mancielito S. Tacadena)/ Bannawag, Mayo 1-15, 2023 a bilang
Ammuem Pay Daytoy
