BANGUI, ILOCOS NORTE, MARSO 29, 2023. Sinelebraran dagiti mannursuro ken agad-adal iti Bangui National High School ti National Women’s Month babaen ti programa a nakairamanan dagiti kanta, sala ken bitla a kas pammadayaw ken pammigbig iti dakkel nga akem dagiti babbai iti gimong saan laeng a kas nadungngo nga ina, kapisi ti puso, kabsat wenno anak no di pay ket kadagiti nadumaduma a tay-ak a kas koma iti edukasion, salun-at, ken dadduma pay a benneg. Indauluan da Mrs. Sesie May P. Lagundino (maikalima manipud iti kanigid, sango) ken Mrs. Daphny T. Lopez (awan iti ladawan) daytoy a tallaong kas focal persons ti Gender and Development (GAD) ti nasao a pagadalan. Ni Mr. Joel B. Manuel ti prinsipal ti BNHS. (Teksto: Abraham C. Aguino Jr./ Rinetrato ni Jerome S. Corcoro) / Bannawag, Mayo 16-31, 2023 a bilang
