PANAGTATABAKO ITI PINILI, ILOCOS NORTE. Antok wenno dagiti maudin a bulong ti tabako a Birhinia ti tudtudoken dagitoy tallo nga agkakaarruba iti Brgy. Puritac, Ilocos Norte a da Lyzel Gajes, Liza Galinato, ken Gigie Yadao iti sirok ti bugbugtong a bombilia. Kunada a nangina ita ti tabako a Birhinia ta manmano ti nagmula iti ilida gapu iti kinakurang ti pagsungrod. Maluto ngamin ti Birhinia iti pugon a pakausaran ti adu a kayo a pagtungo. No mailaklako ti naluto nga antok iti 40 a pisos ti sangakilo iti panagtatabako itay napan a tawen, madanonen dagiti aggattang iti tabako daytoy iti 75 agingga iti 80 a pisos ti kada kilo. Ti laeng irekreklamo dagiti tallo, di met ngimmina ti tangdan dagiti agtudtudok a kas kadakuada ta pisos laeng ti tangdanda iti sangatudok. Makatudokda iti limapulo iti agmalem isu a makaulloda met iti limapulo a pisos. Tapno manayonan ti mateggedanda, pinadasda met ti nag-overtime. Naala ti ladawan idi Mayo 8, 2023. (Teksto ken Rinetrato ni Aileen R. Rambaud)

Mabalin pay a magatang iti

Shopee: http://bit.ly/3JsH4Ws
Lazada: http://bit.ly/3TGYELa

Para iti digital a kopia:

PressReader: http://bit.ly/3n83kNQ
Magzter: http://bit.ly/407pazG

Para iti dadduma pay a detalye, kontaken ti circulation department iti 8527-8121 Loc. 369, 09171360110 wenno ag-email iti [email protected].

Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph

Laglagipenyo koma met, kakailian, nga i-follow ti account iti Instagram ti Bannawag ditoy https://www.instagram.com/bannawagmagazine , i-like ti FB Page ti Bannawag ditoy https://www.facebook.com/bannawag.magazine ken mabalin ti makiinniliw ditoy FB Group ti Bannawag ditoy https://www.facebook.com/groups/1668855693563462 .

Dios ti agngina.

Isip pabaknangen, Bannawag ti basaen!