Nadutokan a baro a kameng ti editorial ti Bannawag da Roy Vadil Aragon ken Lito Paringit Hilidon.
Premiado a piksionista ken mannaniw ni Aragon a tubo ti Mabasa, Dupax del Norte, Nueva Vizcaya. Autor dagiti libro a Bagi: dandaniw (2015); Paksuy: dandaniw & poems (chapbook, 2017); Bannuar ken Dadduma pay a Fiksion (2018); Rabii: 100 a #tweetniw (2019); Atap: Baro ken Napabaro a Dandaniw (2020); Kornik: dandaniw-romantik (chapbook, 2021); ken ti Baribari (2019) a napili a Best Poetry in Ilokano iti National Book Awards 2023 nga intuyang ti National Book Development Board of the Philippines ken ti Manila Critics Circle.
Timmanor iti Asingan, Pangasinan ni Hilidon ngem agnanaeden iti Comon, Aritao, Nueva Vizcaya. Nagserbi kas researcher iti Municipal Tourism Office ti Aritao idi 2021-2022. Idi 2004, nagpaay nga Associate Editor ti CLSU Collegian ti Central Luzon State University iti Muñoz, Nueva Ecija ken Sports Editor ti The Theresian Torch, pagiwarnak dagiti estudiante iti Saint Teresita’s Academy iti Aritao idi 1998. Inyalatna ti Maikatlo a Gunggona iti salip iti sarita ti Mario Albalos Literary Awards idi 2022 ken 2023. Maysa kadagiti Fellow iti maika-11 a Pasnaan, writing workshop nga imatmatonan ti GUMIL Filipinas.
Makadua da Aragon ken Hilidon dagiti agdama a kameng ti Bannawag a da Editor Cles B. Rambaud, Literary Editor Juan Al. Asuncion ken Entertainment Editor Ariel Sotelo Tabag. (LPH)
Magatang ti Bannawag kadagit sukiyo a paggatangan. Mabalin pay a magatang iti
TURISMO: Intayon Idiay Ayuyang Garden iti Pila, Siudad ti Laoag!
Shopee: http://bit.ly/3JsH4Ws
Lazada: http://bit.ly/3TGYELa
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para iti dadduma pay a detalye, kontaken ti circulation department iti 8527-8121 Loc. 369, 09171360110 wenno ag-email iti [email protected].
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga i-follow ti account iti Instagram ti Bannawag ditoy https://www.instagram.com/bannawagmagazine , i-like ti FB Page ti Bannawag ditoy https://www.facebook.com/bannawag.magazine ken mabalin ti makiinniliw ditoy FB Group ti Bannawag ditoy https://www.facebook.com/groups/1668855693563462 .
Dios ti agngina.
Isip pabaknangen, Bannawag ti basaen!
