Binigbig ti gobierno lokal ti Santa Teresita, Cagayan ni Ariel Sotelo Tabag a kas mannurat iti literatura dagiti Ilokano, kangrunaan iti panangital-ona iti bukodna nga ili.

Naiwayat ti nasao a pammadyaw idi Hunio 22, 2023 a maudi a rabii ti pannakaramak ti Maika-60 a Founding Anniversary ti nasao nga ili, a sigud a paset ti Buguey, Cagayan.  Pormal nga inyawat ni Mayor Atty. Rodrigo “Rambo” De Gracia, CESE ken dagiti kameng ti komite ti pammadayaw ti plaken ken gatad a pisos kas gunggona ken ni Tabag. 

DAYAW TERESIANO 2023. Agpakanawan: Dr. Noel G. Javier, Judge Conrado T. Tabaco, Arch. Rodolfo S. Tibuc, Jr., Pasado a Mayor Francisco Sevilleja, Jr., Eliseo S. Guya, Sr., Board Member Atty. Romeo S. Garcia; ABC Pres. Aider M. Javier; Mayor Atty. Rodrigo P. De Gracia, CESE, Mrs. Anita T. Arquero, Joy R. Orenia, Luciano U. Asuncion, Pastor Ernesto Rielo, Ariel Sotelo Tabag, ken Efren Palor  a nangibagi ken ni Rex L. Navarro. Saan a nairaman iti ladawan ti dua pay nga awardee a da Judge Roland Dennis G. Molina (nasapa a nagpakada gapu iti panangkamakamna iti hearing iti Bulacan) ken Mrs. Jane S. Lucas (saan a nakadar-ay).

Iti panagbitlana, kuna ni Tabag a ti naawatna a pammadayaw ket agserbi nga inspirasion kadagiti adda talentona iti panagsurat. Dinakamatna pay dagiti agarup duapulo a sibibiag ken pimmusayen a pada ken kaduana a mannurat a Teresiano a nangitandudo ken mangitantandudo met iti nasao nga ili.

Kakadua ni Tabag ti 14 pay nga indibidual a mabigbigbig met a Teresiano a nangipaay iti dakkel a kontribusionda iti benneg ti linteg, medisina, agrikultura ken serbisio publiko. (EDISON TOBIAS)

Eksklusibo iti Website
Manipud Kadagiti Agdama a Kameng ti Bannawag: Dios ti Agngina!

Manipud Kadagiti Agdama a Kameng ti Bannawag: Dios ti Agngina!