Nangiwayat ni Vhen Bautista, mabigbig a Prince of Ilocano Songs, iti Concert for a Cause iti Barangay Quinarayan itay Hunio 11 a kas sagutna kadagiti bumarangay ken kadagiti agindeg iti Narvacan, Ilocos Sur.
Kas inlawlawag ni Punong Barangay Larence Tejada, naawagan a Concert for a Cause ti konsierto ni Vhen gapu ta ti mapastrek ket itulongna iti Quinarayan, nangruna iti para iti magastos iti instolasion ti solar lightings ti barangay hall ken ti covered court.
“Napateg kaniak ti Quinarayan ta ditoyak a naikamang. Agyamanak met iti nabara a panangsarabo ti Narvacan kaniak ken iti pamiliak,” panangilawlawag ni Vhen iti panagsaritana iti ibibisitana iti munisipio ti Narvacan iti isasangpetda manipud California.
Ni sigud a Ross Canto, maysa a nurse idiay US a tubo ti Quinarayan, ti kaingungotna.
Manipud Kadagiti Agdama a Kameng ti Bannawag: Dios ti Agngina!
Kadua ni Vhen ti balasangna a ni Mikaela Vien a nagkonsierto. Impamatmat pay ti baro ni Vhen a ni Keanu Ven ti laingna met laeng nga agkanta. Agpada met laeng a recording artists da Mikaela ken Keanu. Nagkanta pay da Reymar Canto Zoleta a maysa met laeng a US nurse, ken Fr. Carlo Rey Canto.
Napno ti covered court ti Quinarayan iti nagbuya ken sponsors a naggapu iti nadumaduma a lugar. Adda pay naggapu iti abroad, Visayas, ken nadumaduma a probinsia.
Timmabuno pay dagiti nadumaduma nga opisial lokal ken probinsial pakairamanan da Bise Mayor Caloy Valera ken Provincial Board Member Gina Cordero a kas panangsuportarda iti arapaap a proyekto ti Quinarayan a pakaparaburan dagiti lumugar.
Premiado a kumakanta, mabigbig iti sangalubongan ni Vhen Bautista gapu iti kinaadun ti nairekord a kantana iti BMG Records, Alpha, Vicor, Univerdal, BLB, Aweng Records USA, ken dadduma pay. Am-ammo pay a kas a kas Smule King gapu iti kinalatakna nga agkankanta a solo ken makidu-duet iti social media babaen ti Smule, maysa a karaoke app. (Rudy B. Contillo)
Mabalin pay a magatang ti Bannawag iti
Shopee: http://bit.ly/3JsH4Ws
Lazada: http://bit.ly/3TGYELa
Para iti digital a kopia:
PressReader: http://bit.ly/3n83kNQ
Magzter: http://bit.ly/407pazG
Para iti dadduma pay a detalye, kontaken ti circulation department iti 8527-8121 Loc. 369, 09171360110 wenno ag-email iti [email protected].
Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph
Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,
iti Instagram: https://www.instagram.com/bannawagmagazine
iti Twitter: https://twitter.com/BannawagMagasin
Facebook Page: https://www.facebook.com/bannawag.magazine
Facebook Public Group: https://www.facebook.com/groups/1668855693563462.
Dios ti agngina. Isip pabaknangen, Bannawag ti basaen!
