Nagpirma ti Department of Finance (DOF) ken ti World Bank iti katulagan ti pautang nga aggatad iti $600-milion wenno agarup PhP33.34-bilion itay Hulio 7, 2023 para iti modernisasion ken industrialisasion ti sektor ti agrikultura.

Mapan a $818-milion (wenno PhP45.01-bilion) ti kasapulan tapno maiwayat ti proyekto a maawagan iti Philippine Rural Development Project (PRDP) Scale-Up, ket ibaklay ti gobierno ti $218-milion.

Segun iti DOF, ti Department of Agriculture (DA) ti mangidaulo iti PRDP Scale-Up, kas sungbat kadagiti agtultuloy a parikut dagiti adda iti sektor ti agrikultura ken panagkalap nangruna kadagiti away. Mairanud iti PRDP Scale-Up ti agarup 450,000 a mannalon ken mangngalap. (Chino S. Leyco/Manila Bulletin)