Kinalikaguman dagiti mangibagbagi iti walo a pagilian ti panangannurot iti sangalubongan a linteg idinto nga agtultuloy latta dagiti aramid ti China iti West Philippine Sea.
Dagiti foreign minister ken embahador ti US, Japan, France, UK ken ti European Union inyebkasda ti panangsuportarda iti Filipinas, a mangsalimetmet iti turayna iti West Philippine Sea.
Ti West Philippine Sea nga adda iti uneg ti Exclusive Economic Zone (EEZ) ti Filipinas ket paset ti dakdakkel a South China Sea a tagtagikuaen ti China.
Iti Arbitral Award nga impaulog ti Permanent Court of Arbitration (PCA) pabor iti Filipinas idi Hulio 12, 2016, inlaksid ti PCA ti historikal a "nine-dash line" ti China, ket kinunana pay nga adu ti linabsing ti China a linteg ken obligasion.
TURISMO: Intayon Idiay Ayuyang Garden iti Pila, Siudad ti Laoag!
Kuna ti US State Department, masapul nga agtignay ti China segun iti United Nations Convention on the Law of the Sea (UNCLOS) ket isardeng daytoy ti kanayon a panangriribuk kadagiti ligal a mangwanawan iti lugar.
Kinuna ti Japanese Foreign Minister Hayashi Yoshimasa a ti saan a panangbigbig ti China iti 2016 Arbitral Award ket bumusor iti natalna a panangrisut iti riri kas sagudayen ti sangalubongan a linteg.
"Agtultuloy ti panangipakitami iti suportar ken panangitakder iti kinasoberania, natalged a teritorio, ken kinatalinaay," kinuna pay ni British Ambassador Laure Beaufils.
(JOSEPH PEDRAJAS/MANILA BULLETIN)
