Addanton napimpintas a kalsada a dumanon kadagiti kueba ti Bucale ken Bangalao iti Sta. Teresita, Cagayan ket mas komportablenton ti biahe dagiti turista.
Kinuna ti Department of Public Works and Highways (DPWH) a madama a maar-aramid ti access road a mapan iti lugar, babaen ti Cagayan First District Engineering Office (CFDEO).
Segun iti DPWH, ipaay ti P19.5-milion a proyekto a naponduan iti babaen ti General Appropriations Act ti 2023 ti nanam-ay ken natalged a padas kadagiti turista a sumarsarungkar kadagiti nasao a kueba.
Sigud a nasurok a maysa nga oras ti biahe a mapan iti lugar manipud iti sentro ti ili. Inton malpas ti proyekto, 45 minuto laengen ti biahe. (Liezle Basa Iñigo/MANILA BULLETIN)
Eksklusibo iti Website
