Ni Francis Deinmel Legaspi nga agtawen iti sangapulo ken tubo ti Olongapo City ti nangyalat iti balitok a medalia para iti Filipinas iti 4th Copernicus International Math Olympiad a naangay idiay Columbia University iti New York, USA manipud Hulio 9-13, 2023.
Ti Copernicus Olympiad ket internasional a panagsasalisal dagiti estudiante manipud Grade 3 agingga Grade 12 iti tay-ak ti matematika ken astronomia.
Inatiw ni Legaspi dagiti nasurok 100 a finalist a naggapu iti 22 a pagilian.
Nangyalat pay iti balitok a medalia ni Legaspi iti Hong Kong International Math Olympiad, Thailand International Math Olympiad, Southeast Asia Math Olympiad, Philippine International Math Olympiad and the World International Math Olympiad.
Manipud Kadagiti Agdama a Kameng ti Bannawag: Dios ti Agngina!
Grade 5 ni Legaspi inton sumrek iti Special Education Center for the Gifted (SPED-G Kalayaan) nga adda iti uneg ti Subic Bay Freeport Zone.
Nagyaman ti ama ni Francis a ni Dennis Legaspi ken ni Senador Juan Edgardo "Sonny" Angara iti agtultuloy a panangtulong daytoy manipud idi nangrugi a nakisalip ni Francis idi innem pay laeng ti tawenna. (Hannah Torregoza/Manila Bulletin)
