Awan ti legal a lapped ti pannakayakar ti Philippine Health Insurance Corporation (PhilHealth) manipud iti Department of Health (DOH) iti Office of the President (OP), kinuna ti Department of Justice (DOJ).
Iti maysa a legal nga opinion, impasingked ti DOJ nga "awan ti legal nga issue iti posibilidad ti pannakayakar ti PhilHealth iti OP ta maysa a lehitimo a panangipakat iti turay ti Presidente ti kontrol iti executive department, kadagiti bureau ken opisina."
Kiniddaw ti DOH ti legal nga opinion kalpasan nga insingasing daytoy ti pannakayakar ti pannakaimaton ti PhilHealth iti OP tapno mas episiente ti pannakatarawidwid dagiti programa ti pannakataripato ti salun-at.
Segun iti DOJ, "mabalin a maaramid ti pannakayakar ti PhilHealth iti OP babaen ti panangipaulog ti Presidente iti maysa nga executive order." (Jeffrey Damicog/MANILA BULLETIN)
