Impakaasi ti grupo dagiti pribado a pagadalan a panunoten manen dagiti agpampanday-linteg ti pannakaipaulog ti Senate Bill 1359 wenno ti "No Permit, No Exam (NPNE) Prohibition Act," a naaprobaran iti maikatlo a pannakaibasana idi Marso.
Segun iti surat ti Catholic Educational Association of the Philippines (CEAP), Philippine Association of Colleges and Universities (PACU), Philippine Association of Private Schools, Colleges, and Universities (PAPSCU), Association of Christian Schools, Colleges, and Universities (ACSCU), and Unified TVET of the Philippines, Inc (UniTVET), agpeggad dagiti pribado a pagadalan no maiparit ti NPNE.
Segun iti grupo, no maikkat ti kalintegan dagiti pribado a pagadalan nga agsingir gapu iti pannakaiparit ti NPNE, in-inut a mapukaw ti pinansial a kinatalged, ken mabalin nga agserra, dagiti pribado a pagadalan.
"No ti buis ti pagbiagan ti gobierno, ti tuition fee ti pagbiagan dagiti pribado a pagadalan," kinuna ni University of Mindanao (UM) Chairman Dr. Guillermo Torres Jr.
Manipud Kadagiti Agdama a Kameng ti Bannawag: Dios ti Agngina!
Merlina Hernando-Malipot/Manila Bulletin
