Imbilin ni Department of Social Welfare and Development (DSWD) Secretary Rex Gatchalian ti pannakatingiting manen dagiti benepisiario ti Pantawid Pamilyang Pilipino Program (4Ps) a nailista kas "non-poor" iti Listahanan 3 -- ti sistema ti pananglasin iti nakurapay a sangkabbalayan.
Kinuna ti DSWD, paset daytoy ti panangpasayaatda iti pannakaipatungpal ti 4Ps tapno masolusionan ti kinapanglaw iti Filipinas.
Ti Social Welfare and Development Indicator (SWDI) ti aramaten ti DSWD a mangtingiting ken mangwanawan iti kasasaad ti panagbiag dagiti benepesiario ti 4Ps, kasta met iti panangrukod iti panagrang-ayda.
Kabayatanna, kiniddaw ni Gatchalian kadagiti benepisiario ti 4Ps nga itultuloyda a tungpalen dagiti kondision ti programa a para iti pagsayaatan met laeng dagiti annak ken pamiliada, saan laeng a para iti maited a kuarta.
Manipud Kadagiti Agdama a Kameng ti Bannawag: Dios ti Agngina!
Maysa kadagiti kondision ti regular school attendance, preventive check-up dagiti ubbing nga agingga’t lima ti tawenna, prenatal and post-natal care para kadagiti ina, ken pannakidar-ay iti binulan a family development sessions.
Dagiti benepisiario a mapaneknekan a "self-sufficient," saandanto metten a maibilang iti grupo dagiti 4Ps ket aggraduarton babaen ti "Pugay-Tagumpay" graduation rites.
(Ellalyn De Vera-Ruiz/Manila Bulletin)
