Ni Atty. Vigor Mendoza II ti pinusgan ni Presidente Ferdinand “Bongbong” Marcos Jr. a kas baro a hepe ti Land Transportation Office (LTO).
Impakaammo ti Presidential Communications Office (PCO) ti pannakadutok ni Mendoza a kas Assistant Secretary ken hepe ti LTO babaen ti paskil iti Facebook.
Sigud a kameng ti Land Transportation Franchising and Regulatory Board (LTFRB) ni Mendoza, ket isu ti suno ni Jay Art Tugade a nabiit pay a naglusulos.
Ni Atty. Hector Villacorta, nga Assistant Secretary iti Department of Transportation (DoTr), ti nagpaay a kas officer-in-charge ti LTO agingga iti pannakadutok ni Mendoza.
TURISMO: Intayon Idiay Ayuyang Garden iti Pila, Siudad ti Laoag!
Nagserbi ni Mendoza iti House of Representative a kas mangibagi iti party list group a 1-UTAK (United Transport Alliance Koalisyon).
Maaramid ti turnover ceremony para iti baro a hepe ti LTO inton Hulio 24, 2023.
(Raymund Antonio/Manila Bulletin)
