Mabalin a nalaklaka itan ti makaala iti pagbalayan babaen ti housing loan ti Pag-IBIG Fund ta imbabbabana dagiti interest rates para kadagiti miembro.
Kinuna ni Secretary Jose Rizalino L. Acuzar ti Department of Human Settlements and Urban Development (DHSUD), ken dagiti 11 a kameng ti Pag-IBIG Fund Board of Trustees, a "pagaammo unay ti Pag-IBIG a kasapulan a maipaay ti nalaklaka a mabaelan a panagpabalay dagiti miembro nga arapaapda ti maaddaan iti bukod a pagtaengan."
Iti babaen dagiti baro a rate, addaan itan ti Pag-IBIG Housing Loan iti nababbaba nga interest a 6.25 a porsiento kada tawen babaen ti 3-tawen a repricing period manipud iti dati a 6.375 a porsiento. Dagiti interest rate para iti 5, 10, 15, 20, 25 ken 30-tawen a repricing period, naibaba met iti 6.5 a porsiento manipud iti 6.625 a porsiento, 7.125 a porsiento manipud iti 7.375 a porsiento, 7.75 a porsiento manipud iti 8.00 porsiento, 8.50 a porsiento manipud iti 8.625 a porsiento, 9.125 a porsiento manipud iti 9.375 a porsiento, ken 9.75 a porsiento manipud iti 10.00 a porsiento, kas panagsasaganadda. Naipakat dagiti baro a rate idi Hulio 1.
Kabayatanna, agtalinaed ketdi ti housing loan rate a 5.75 a porsiento iti kada tawen iti 1-tawen a repricing period. Agtalinaed met a 3 a porsiento kada tawen, ti special interest rate dagiti housing loan dagiti agsusueldo iti minimum, iti Affordable Housing Program ti Pag-IBIG.
Manipud Kadagiti Agdama a Kameng ti Bannawag: Dios ti Agngina!
Segun ken ni Pag-IBIG Fund Chief Executive Officer Marilene C. Acosta, nabalinan a naipababa ti ahensia ti housing loan rates gapu iti napigsa a fiscal standing daytoy, kasta met dagiti nangato a koleksionna manipud iti membership savings ken bayad iti loans, ken ti nangato a performing loans ratio-na nga aganay a 92.53%. (MANILA BULLETIN)
