Dandani lima a bilion a tattao, wenno nasurok a 60 a porsiento ti sangalubongan a populasion ti aktibo iti social media, segun iti digital advisory firm a Kepios.
Iti report a nabiit pay nga impablaak ti Kepios, immadu iti 3.7 a porsiento dagiti aktibo iti social media ngem idi napan a tawen.
Ti bilang dagiti agus-usar iti social media ket dandani pumadan iti 5.19 bilion a bilang dagiti agus-usar ti internet, wenno 64.5 porsiento ti sangalubongan a populasion.
Immadu met ti oras a mabusbusbos iti social media, manipud iti dua a minuto agingga iti dua nga oras ken 26 a minuto iti maysa nga aldaw. Dagiti Brazilian, 3 nga oras ken 49 a minuto ti busbosenda iti social media, idinto nga awan pay maysa oras nga agusar iti social media dagiti Hapon.
Mannurat ti Bannawag Clotilde C. Alzate, rinambakanna ti maika-100 a panagkasangayna
Dagitoy ti social media platform nga us-usaren ti kaaduan:
Tallo ti naggapu iti Meta: ti WhatsApp, Instagram, ken Facebook.
Tallo met ti app ti China: WeChat, Tiktok, ken ti lokal a bersion a Douyin.
Ngem ti Twitter, Messenger, ken Telegram ti mangbukel iti kangrunaan a maus-usar a social media platform. (Agence France -Presse/Manila Bulletin)
