Nakasaganan ti Department of Education (DepEd) iti pannakaangay ti 2023 Palarong Pambansa inton Hulio 29 agingga iti Agosto 5 iti Marikina City.
Daytoy ti umuna a pannakaangay ti nailian a pasken kalpasan ti angol a COVID-19.
Indauluan ni Bise Presidente ken Department of Education Secretary Sara Duterte ti pannakabisita ti Marikina Sports Center a pakaangayan ti nadumaduma a paay-ayam.
Malaksid kadagiti kadawyan nga isports, mairaman a kas exhibition sport dagiti nakaisigudan nga ay-ayam ni Filipino wenno "Laro ng Lahi" a kas iti Kadang-kadang, Tumbang Preso, ken Patintero.
TURISMO: Intayon Idiay Ayuyang Garden iti Pila, Siudad ti Laoag!
Kinuna ti DepEd a mairaman ti "Laro ng Lahi" tapno maitandudo, mataginayon, ken maisaknap ti nabaknang a kultura ken mapadasan met ti baro a henerasion dagitoy nga ay-ayam.
Umuna a nairaman ti "Laro ng Lahi" iti maika-62 Palarong Pambansa idi 2019.
Mairaman pay ita a tawen iti exhibition sport ti cheer dancing, weightlifting, ken obstacle course. (Merlina Hernando-Malipot/Manila Bulletin)
