Iti panaglukat ti sesion ti Kongreso, inkari ni House Speaker Martin Romualdez a tumulong iti pannakataming dagiti parikut ti sektor ti agrikultura.
"Nasken unay a mataming dagiti parikut ti sektor ti agrikultura iti kabiitan a panawen. Ipamuspusanmi a pasardengen ti panagipuslit iti bagas, asukar, ken sibuyas, a mangdangran iti pannakikompetision ken mangdadael iti siklo ti agrikultura," kinuna ni Romualdez.
Segun ken ni Romualdez, nasken unay a masalakniban ti interes dagiti mannalon ken masierto ti maiparbeng a kasasaad ti merkado tapno natalged ti taraon ti pagilian.
Kinuna pay ni Romualdez a wanawananna a naimbag ti pannakaipatungpal ti New Agrarian Emancipation Act, a nangpakawan iti P5.7 bilion nga utang dagiti 610,000 a mannalon ken dadduma pay a benepisiario ti Agrarian Reform Program.
TURISMO: Intayon Idiay Ayuyang Garden iti Pila, Siudad ti Laoag!
Ellson Quismoro/Manila Bulletin
