Impakaammo ti National Telecommunication Commission (NTC) nga addan 105,260,340 a nairehistro a Subscriber Identity Module (SIM) ita, Hulio 25, a maudi nga aldaw ti naited a pawayway iti pannakairehistro ti SIM card.
Iti Globe Telecom, Inc., adda 48,019,084 a nagrehistro; 49,740,428 iti Smart Communications Inc.; idinto a 7,500,828 ti nagrehistro iti DITO Telecommunity Corporation.
Segun ken ni Department of Information and Communication (DICT) Secretary Ivan John Uy, asideg daytoy a dagup iti puntiriada a bilang dagiti agrehistro idinto a 110-milion ti populasion ti Filipinas,
Kinuna ni Uy, saanda namnamaen a makompleto ti manamnama a bilang dagiti agrehistro gapu kadagiti makunkuna a "non-revenue SIMs," wenno single-use SIM card nga us-usaren dagiti telemarketer ken scammer.
Manipud Kadagiti Agdama a Kameng ti Bannawag: Dios ti Agngina!
Segun iti NTC, adda 68,016,400 a bilang dagiti subscriber agingga idi Disiembre, 2022.
Sonny Daanoy/Manila Bulletin
