Binallaagan ti Philippine National Police Anti-Cybercrime Group (PNP-ACG) dagiti agus-usar iti internet iti manamnama a panagadu dagiti insidente ti panag-hack iti social media gapu iti pannakaipatungpal ti SIM (Subscriber Module Identity) Registration Law.
Kinuna ni Police Brig. Gen. Sidney Hernia, director ti PNP-ACG, nga iti pannakaipatungpal ti SIM registration law, isublat nga usaren dagiti scammer ti Facebook, Messenger, ken dadduma pay a social media apps a pangallilaw iti publiko.
Idi 2021, nakairekord ti PNP-ACG iti 503 nga insidente ti panangallilaw iti Facebook. Immadu dayta a bilang idi 2022.
Manipud Enero agingga iti Hunio iti daytoy a tawen (2023), kuna ni Hernia nga addan nairekord a 743 a kaso ti panag-hack iti Facebook.
TURISMO: Intayon Idiay Ayuyang Garden iti Pila, Siudad ti Laoag!
Kinuna ni Hernia nga agtultuloy dagiti cybercriminal a mangparnuay iti nabilbileg a wagas tapno magundawayanda dagiti naikompromiso nga account, a mangpataud iti nakaro a pinansial ken emosional a pannakariribuk iti biktima.
Adu a netizen ti nagipulong nga inusar ti hacker ti account-da a nanglimlimo nga agkasapulan iti tulong gapu iti pinansial wenno medikal a parikut. Ti hacker payen a mismo ti mangibaga iti biktimana no kasano nga ipaw-it daytoy ti kuarta a dawatenna.
Patgan met dagiti di makadlaw ta ti ammoda gayyemda iti Facebook ti agkidkiddaw, idinto a maysan a hacker ti kasarsaritadan. (Binallaagan ti Philippine National Police Anti-Cybercrime Group (PNP-ACG) dagiti agus-usar iti internet iti manamnama a panagadu dagiti insidente ti panag-hack iti social media gapu iti pannakaipatungpal ti SIM Registration Law. (Aaron Recuenco/Manila Bulletin)
