Sumagmamano kadagiti baro nga opisial ti GUMIL Isabela. (Ladawan: Domingo Antonio Presa/ Facebook)

Nabotosan dagiti baro nga opisial ti GUMIL Isabela (GISA) iti naangay nga special meeting ken eleksion idi Hulio 30, 2023 iti Alicia, Isabela, babaen ti panangsangaili ni Baldovino Ab. Valdez, pasado a presidente ti GUMIL Filipinas (GF).

Estela Leaño Failma Pones, Presidente ti GUMIL Isabela. (Ladawan: Domingo Antonio Presa/ Facebook)

Nailayon a presidente ni Estela Leaño Failma Pones, kaduana a nabotosan da Domingo Rodolfo, bise presidente; Honorata M. Pinto, sekretaria; Preciousa Baysa, tesorera; Franklin Ramones, auditor; Domingo A. Presa, manarawidwid; ken Juliet R. Lamug, agirakurak (PRO). Napili pay a kas aribai ti gunglo ni Elsa Marie Sapla.

Dagiti kameng ti hunta direktiba (board of Directors): Aurelio Battad, Hervy I. Garma, Felerica Cudiamat, Rose Gacusan, Manny Cabungcal, Rodel Ramos, Myrna Valdez, ken Mark John Mariano.

Adviser (mamagbaga) met da Baldovino Ab. Valdez, Mindo N. Aquino (dati a presidente ti GISA), ken Franklin P. Macugay (dati a presidente ti GISA).

Agsapata dagiti nabotosan nga opisial iti saan pay a masinunuo a petsa inton Septiembre iti Cabatuan, Isabela babaen ken ni Ariel Sotelo Tabag, presidente ti GF.