Binukel ni Presidente Ferdinand "Bongbong" Marcos Jr. ti Inter-Agency Council for the Pasig River Urban Development a mangtaming iti kasapulan unay a pannakadalus ken pannakapasayaat ti biag iti igid ti Pasig River, babaen iti Executive Order (EO) No. 35 a pinirmaan ni Executive Secretary Lucas Bersamin idi Hulio 25.

Iti EO No. 35, impaganetget ni PBBM ti kinapateg ti Pasig River iti panagrang-ay ti turismo ken negosio.

"Dakkel ti kultural ken historikal a pateg ti ik-ikutan ti Pasig River kas maysa a kangrunaan a karayan a mangpapardas iti negosio, transportasion, ken komunikasion, ken agserbi pay a nalatak a pagilasinan ti kina-Filipino ken pagpasiaran dagiti turista," kinuna ni PBBM.

Segun iti EO, ti Inter-Agency Council ti mangpapardas ken mangsigurado iti sibubukel a pannakadalus ti ig-igid ti Pasig River ken dagiti kabangibangna a kameng ti dandanum.

Eksklusibo iti Website

Manipud Kadagiti Agdama a Kameng ti Bannawag: Dios ti Agngina!

Agpaay a daulo ti konseho ti Department of Human Settlements and Urban Development (DHSUD) Secretary, idinto a madutukan a Vice-Chair ti Metropolitan Manila Development Authority (MMDA) chairman.

Agbalin a kameng ti konseho dagiti daulo ti nadumaduma nga ahensia, kas iti:

1. Secretary, Department of Public Works and Highways (DPWH)
2. Secretary, Department of Environment and Natural Resources (DENR)
3. Secretary, Department of the Interior and Local Government (DILG)
4. Secretary, Department of Department of Tourism (DOT)
5. Secretary, Department of Transportation (DOTr)
   6.Secretary, Department of Finance (DOF)
6. Secretary, Department of Budget and Management (DBM)
7. Chairperson, National Historical Commission of the Philippines (NHCP)
8. Chairperson, National Commission for Culture and the Arts (NCCA)
9. General Manager, Philippine Ports Authority (PPA)
10. Commandant, Philippine Coast Guard (PCG)
11. General Manager, Laguna Lake Development Authority (LLDA)
12. Chief Executive Officer, Tourism Infrastructure and Enterprise Zone Authority (TIEZA)

Kinuna ti Presidente a kasapulan a pagtitiponen dagiti maseknan nga ahensia ti gobierno tapno mapapardas ti panakaipatungpal dagiti paglintegan, programa, ken proyekto a mangpasayaat iti kalidad ti danum, panakaisubli ti biag nga adda iti danum, ken mangpapintas iti igid ti Pasig river, dagiti sangana a karayan, ken dagiti kabangibangna a komunidad.

Malaksid iti dayta, nasken a mangparnuay ti konseho iti Pasig River Urban Development Plan.

Argyll Cyrus Geducos/Manila Bulletin