Kas sungbat ti Departamento ti Edukasion iti kiddaw dagiti mannursuro nga ad-adu koma ti orasda nga agisuro a saan ket a ti la papaaramid ti DepEd kadakuada, ipaulogto ti Department of Education (DepEd) ti temporario a pagannurotan a mangkissay iti administratibo a trabahoda.
Kinuna ni DepEd Undersecretary ken Spokesperson Michael Poa kalpasan ti SONA (State of the Nation Address) ni Presidente Ferdinand “Bongbong” Marcos, maipaulog ti pagannurotan iti pannakakissay iti administratibo a trabaho dagiti maunnursuro iti las-ud ti dua alawas.
"Maysa a kadakkelan a parikut dagiti mannursuro ti nakaad-adu nga admin tasks," kinuna ni Poa.
Inlawlawag ni Poa a maited dagiti administratibo a trabaho kadagiti non-teaching personnel iti pagadalan.
TURISMO: Intayon Idiay Ayuyang Garden iti Pila, Siudad ti Laoag!
Nabayagen a kidkiddawen ti grupo a Teachers’ Dignity Coalition (TDC) ken Alliance of Concerned Teachers (ACT) Philippines ti DepEd a mangiwayat koma ti DepEd iti pamuspusan tapno makissayan ti trabaho dagiti mannursuro ken maikkanda iti ad-adu a tiempo a mangisuro kadagiti ubbing.
(Merlina Hernando- Malipot/Manila Bulletin)
