Mapan a P2-bilion a balor ti produkto iti agrikultura ti dinadael ni Bagyo Egay, kinuna ti Department of Agriculture (DA) iti Sectoral Meeting a naangay itoy nga aldaw, Agosto 1.
Iti kaudian a panangtingiting ni Assistant Secretary for Operations Arnel de Mesa, addan PhP1.54-bilion a balor ti dinadael ni Egay iti sektor ti agrikultura.
"Iti agdama, mapanen a PhP1.94-bilion ti nadadael," kinuna ni De Mesa.
Segun iti opisial, agbalor ti PhP950-milion ti nadadael a bagas, idinto a PhP713-milion met ti balor ti nadadael a mais.
Manipud Kadagiti Agdama a Kameng ti Bannawag: Dios ti Agngina!
Adu ti nadadael ken napukawan iti Ilocos Region (Region 1), Cagayan Valley (Region 2) Cordillera Administrative Region (CAR), Central Luzon (Region 3), Calabarzon (Region 4), Mimaropa (Region 4-A), Western Visayas (Region 6), ken Caraga (Region 13).
Kinuna ni De Mesa a nakasaganan ti DA a mangipaay ti tulong kadagiti naapektaran, babaen ti pannakitinulong ti regional field offfices ken gobierno lokal dagitoy.
(Raymund Antonio/Manila Bulletin)
