KADIWA NG PANGULO. Pinasiar da Governor Jeremias “Jerry” Singson ken Department of Trade and Industry Provincial Director Rosario Quodala dagiti 44 nga stalls a nakailakuan ti agduduma nga apit dagiti mannalon, lames dagiti mangngalap ken agduduma a produkto dagiti Macro, Small and Medium Enterprises (MSMEs) iti Ilocos Sur bayat ti naangay a Kadiwa ng Pangulo a naggigiddan nga insayangkat dagiti amin a probinsia iti pagilian idi Hulio 17, 2023. Naangay ti KNP iti amianan a paset ti Provincial Farmers Livelihood Development Center iti Siudad ti Vigan babaen ti pannakikayammet ti Gobierno Probinsial kadagiti agduduma nga ahensia iti gobierno a pakairamanan ti Department of the Interior and Local Government (DILG), Department of Agriculture (DA), Department of Trade and Industry (DTI), Department of Labor and Employment (DOLE), Department of Social Welfare and Development (DSWD) ken National Food Authority (NFA). (Teksto: Mancielito S. Tacadena/Ladawan: Pammadayaw ti Opisina ti Gobernador)
