Aganay a 1,903 a sako nga abono a Urea a donasion ti China ti naibunong kadagiti mannalon ti Santa Teresita, Cagayan.
Naawat ti nasao nga ili ti abono kas alokasion wenno bingayna manipud iti Department of Agriculture Regional Field Office 02 ken naibunong iti 13 a barangay ti Santa Teresita idi Hulio 18-20.
Segun ken ni Municipal Agriculture Officer Edwin P. Madrid, mabenepisiaran ti donasion ti agarup 1,741 a mannalon a nakaala iti bin-i iti para iti "dry season 2022-2023" ta dagitoy ti maipaayan iti libre nga abono.
Iti mensahe ni Mayor Rodrigo P. De Gracia babaen ti community radio, kinunana a "pakaragsakanna unay daytoy a grasia a naawat ti ili manipud iti nasional a gobierno," ket inyebkasna ti panagyamanna ken dagiti kailianna a mannalon iti sekretario ti DA a ni Presidente Ferdinand Marcos Jr.
TURISMO: Intayon Idiay Ayuyang Garden iti Pila, Siudad ti Laoag!
Kinuna pay ti mayor kadagiti mannalon nga "awanen ti pampanunotenmi no di ti panagrang-ayyo, panangparegta kadakayo ken pagragsakanyo." (Edision B. Tobias)
