Inyalat ni Mac Daryll P. Malto ti umuna a gunggona iti 2023 National Higher Education Day (NHED) On-the-Spot Painting Competition a naangay itay Agosto 1, iti Manila Metropolitan Theater.
Tubo ti Quirino ken benepisiario iti Free Higher Education, inatiw ni Malto dagiti 15 a finalists babaen iti obrana a "Lipad ng Eroplanong Papel" a mangiladladawan iti panangisakad ti pamiliana iti panagadalna iti kurso a Fine Arts iti University of the Philippines - Baguio.
Nagun-od ni Malto ti PhP150,000 ken tropeo a gunggona.
Ni Janine Ledesma iti Tarlac State University ti nangyalat iti maikadua a gunggona a PhP80,000; idinto a ni Ira Jho Cacanog ti La Consolacion College - Bacolod City ti nangyalat iti maikatlo a gunggona a PhP50,000.
TURISMO: Intayon Idiay Ayuyang Garden iti Pila, Siudad ti Laoag!
Naangay ti pasalip babaen ti panagtinnulong ti Commission on Higher Education-Unified Student Financial Assistance System for Tertiary Education (CHED-UniFAST) ken National Commission for Culture and the Arts (NCCA). Nangipaay iti wagas kadagiti agbasbasa a mangpartuat ti bisual a pannakailadawan iti pakasaritaan dagiti estudiante a Filipino iti panangisakadda iti panagadalda.
(Teksto: Pammadayaw iti Quirino Province Facebook page)
