Nasarakanen ti Army 503rd Infantry Brigade ti estudiante ken ti piloto ti natnag nga eroplano nga RP-C8958 Cessna 152 idi Agosto 1 idiay Luna, Apayao.
Natay ti piloto a ni Kapitan Edzel John Lumbao Tabuzo ken ti estudiante a ni Anshum Rajkumar Konde.
Naisublin ti bangkay ni Tabuzo iti pamiliana, idinto a maisagsagana ti bangkay ni Konde sakbay a mai-turn over iti Indian Embassy. Naala pay dagiti autoridad ti black box ti nasao nga eroplano.
Maysa a drone ti Apayao Public Information Office a kadua dagiti soldado ken residente ti nakakita iti nadadael nga eroplano.
TURISMO: Intayon Idiay Ayuyang Garden iti Pila, Siudad ti Laoag!
Idi Agosto 3, inwayat ti Philippine Army (PA), Philippine National Police (PNP), ken Bureau of Fire Protection (BFP) iti Search, Rescue and Retrieval Operations (SRR) iti Sitio Matad, Barangay Salvacion, Luna Apayao.
Indanon ni Gov. Elias C. Bulut Jr. ken ti entero a probinsia ti Apayao ti pannakipagriknada iti pamilia dagiti biktima. (Manila Bulletin)
