Naiwayat itay nabiit ti pannakakugit kadagiti babbarito iti Santa Teresita, Cagayan babaen ti panangisayangkat ti Fraternal Eagles-Baggak ti Amianan (Cagayan Valley) ken ti gobierno munisipal ti nasao nga ili.
Immabot iti 350 a babbarito ti nagpalista ngem 300 laeng ti nakugit ta nagbabawi ti dadduma idinto nga awan pay siam a tawen ti dadduma.
Segun iti Rural Health Unit-Santa Teresita, no maidilig kadagiti naglabas a tawen, maibilang a kaaduan ita a tawen ti inasistaran ti RHU a nagpakugit.
Naisayangkat ti aktibidad babaen ti panangiwanwan ti Municipal Health Office babaen da Dr. Cynthia Lyn T. Melchor ken Dr. Noel Javier ken iti panangisponsor ti Fraternal Eagles nga idauluan ni Abraham Alariao Jr.
TURISMO: Intayon Idiay Ayuyang Garden iti Pila, Siudad ti Laoag!
Impeksa ni Alariao ti panagyamanna kadagiti nadumaduma nga ahensia a timmulong a pakairamanan ti Department of Health, Philippine Army, Bureau of Jail Management and Penology ken dagiti kameng ti Fraternal Eagles iti munisipio, nangruna ken ni Mayor Rodrigo De Gracia. (Edison B. Tobias)
