Mangrugin a tingitingen ti House Committee on Appropriations ti PhP5.768-trilion a National Expenditure Program (NEP) para iti 2024 iti maangay a panagsasarita dagiti kameng ti Development Budget Coordination Committee (DBCC) inton Agosto 10.
Kameng ti DBCC ti Department of Budget and Management (DBM), National Economic and Development Authority (NEDA), Department of Finance (DOF), ken ti Bangko Sentral ng Pilipinas (BSP), ket idadauluan ni Ako Bicol Party-list Rep. Zaldy Co.
Dakamatenda dagiti kangrunaan a prinsipio ti NEP, ti paggapuan ti pondo, paggastuan, ken dagiti singasing a pondo dagiti nadumaduma a departamento.
Tamingen pay ti DBCC dagiti singasing a pondo ti tunggal departamento ken ahensia ti gobierno -- ti karigatan a paset ti proseso.
TURISMO: Intayon Idiay Ayuyang Garden iti Pila, Siudad ti Laoag!
Ti PhP5.768-trilion a pondo ti kadakkelan a dawdawaten ti ehekutibo iti Kongreso.
Manamnama a marugian ti debate iti plenario iti maikatlo a lawas ti Septiembre.
(Ellson Quismorio/Manila Bulletin)
