Indeklarar ni Presidente Ferdinand “Bongbong” Marcos Jr. ti pannakaisardeng ken pannakarepaso amin a proyekto a panaggabur.
Maladingitan ni PBBM no kasano a naawan ti baybay manipud iti Roxas Boulevard idinto a napaliiwna dagiti nadumaduma a parikut kadagiti panaggabgabur iti nalatak a Manila Bay.
Kinuna ni PBBM a maysa laeng ti naituloy kalpasan a marepaso, ngem adu pay ti parikut ken saan a nasayaat ti pannakaaywanda.
Inamin ni PBBM a ti panaggabur iti Manila Bay, a nalatak gapu iti buya ti panaglennek ti init, ket maysa pay a dakkel a parikut ta bangenan daytoy dagiti karayan.
TURISMO: Intayon Idiay Ayuyang Garden iti Pila, Siudad ti Laoag!
Naibaga daytoy ni PBBM kalpasan a maidanon kenkuana ni Bulacan 5th District Rep. Ambrosio Cruz Jr. a saan nga umdas ti solusion ti inhenieria tapno malapdan ti panaglayus iti Bulacan, ta ti makaigapu iti layus ket ti saan a pannakagteng dagiti danum ti karayan iti baybay.
Kinuna ni Cruz a ti gakatna a House Bill 3148 wenno “An Act Establishing a Manila Bay Integrated Flood Control Coastal Defense and Expressway” ti mangsolbar kadagitoy a parikut. (Raymund Antonio/Manila Bulletin)
