Inawagan ni Isabela 6th District Rep. Faustino "Inno" Dy ti imatang dagiti opisial ti Deparment of Energy (DoE), partikular ti daulo ti National Electrification Administration (NEA) a ni Antonio Almeda, tapno paisardengna ti panagabuso dagiti kooperatiba ti koriente.
Iti plenario, imbatad ni Dy a panawenen tapno aggibus dagiti panagab-abuso dagiti dadduma nga opisial ti kooperatiba ti koriente ken baliwanda dagiti paglintegan a mangparparigat kadagiti kooperatiba ken mangted-parikut kadagiti umili.
Ni Dy, a dauluen ti House Committee on Bases Conversion, ti napinget a mangipalpalgak kadagiti patienna nga anomalia iti Isabela Electric Cooperative-1 (ISELCO-1) a pinalutpoten ti Kongreso itay napan a tawen.
Impakaammo ni Dy nga iti las-ud ti uppat a tawen, inkapilitan a makiskissayan iti PhP100 agingga iti PhP500 ti binulan a sueldo dagiti empleado ti ISELCO-I, nga agpaay kano a kontribusionda iti ONE-EC MCO Foundation.
TURISMO: Intayon Idiay Ayuyang Garden iti Pila, Siudad ti Laoag!
Kinuna ni Dy a nasken a maresolba ti NEA ken Energy Regulatory Commission (ERC) dagitoy a kaso ken mapapati a panaglabsing ta no saan, agtultuloy latta ti panagabuso dagiti opisial ti ISELCO-1. (Ellson Quismoro/Manila Bulletin)
