Isagsaganan ti GUMIL Filipinas (GF) Editorial and Publication Committee nga idaluan ni Daniel L. Nesperos, kameng ti board of directors ti GF, ti bilang ti Balikas, ti opisial a newsletter ti GF, para iti Hulio-Disiembre 2023.
Maawis ngarud dagiti amin a kameng ti GF, ti gunglo dagiti mannurat iti Filipinas ken ballasiw-taaw, ken dagiti chapter daytoy iti Filipinas ken iti ballasiw-taaw kas iti GUMIL Oahu (iti Estado ti Hawaii ti Amerika), a mangidatag kadagiti sinuratda iti [email protected] (usaren ti subject a “Balikas Hulio-Disiembre 2023”). Ad-adda a maipangruna a maipablaak dagiti salaysay wenno sinurat nga adda pakainaiganna iti gunglo ken iti pannakaitandudo ti kina-Ilokano.
Kakadua ni Nesperos iti editorial da Roy V. Aragon, Johmar R. Alvarez, Anna Liza M. Gaspar ken Neyo E. Valdez idinto nga agpaay nga editorial consultants da Cles B. Rambaud, adviser ti gunglo, ken Ariel Sotelo Tabag, presidente ti gunglo.
Mainaig iti daytoy, agawat metten ti GF Marketing and Promotion Committee nga idauluan ni Estela A. Bisquera-Guerrero iti anunsio para iti nasao a bilang ti Balikas. No interesado, makiuman laeng iti [email protected].
