Tapno naan-anay a mataming dagiti parikut iti seguridad ti pagilian, inaprubaran ni Presidente Ferdinand "Bongbong" Marcos Jr. ti Executive Order (EO) 37 wenno National Security Policy (NSP) 2023-2028, mayannurot iti sirmatana iti siwawaya, agkaykaysa, natalged, natalinaay, natibker ken nasaliwanwan a Filipinas.
Pinirmaan daytoy ni Executive Secretary Lucas Bersamin idi Agosto 11, babaen iti pammalubos ti Presidente.
Naipaulog ti NSP 2023-2028 tapno annuroten dagiti amin nga ahensia ken kameng ti gobierno, agraman gobierno lokal (LGU's), iti komprehensibo a wagas ti panangaywan iti seguridad ti pagilian. (Argyll Cyrus Geducos/Manila Bulletin)
Eksklusibo iti Website
