Kayat ti 70 a porsiento dagiti Filipino nga ikalintegan ti teritorio ti Filipinas iti West Philippine Sea (WPS) babaen ti naindiplomasiaan wenno natalinaay a wagas, segun iti surbey nga inaramid ti OCTA Research.
Iti "Tugon sa Masa" survey a naiwayat idi Hulio 22 agingga iti 26, sinaludsod ti OCTA iti 1,200 nga agkabannuag no ania ti kangrunaan nga aramiden ti Presidente tapno marisut ti parikut iti WPS.
Imbatad ti surbey a 70 a porsiento dagiti Filipino ti pabor iti naindiplomasiaan wenno natalna a panangikalintegan iti teritorio ti Filipinas iti WPS; 65 a porsiento ti umanamong iti aksion militar a kas iti nasaksaknap a panagwanawan ti Navy ken panangnayon iti puersa militar iti WPS; idinto a kayat ti 61 a porsiento ti modernisasion ken pannakapapigsa ti kabaelan ti armada ti pagilian tapno masalakniban ti teritorio. (Ellalyn De Vera-Ruiz/Manila Bulletin)
