Inlawlawag ti maysa nga opisial ti Philippine Reclamation Authority (PRA) itay Agosto 14 nga adda laeng 13 a reclamation project iti Manila Bay.
Kasungani daytoy ti kinuna ti Department of Environment and Natural Resources (DENR) iti kallabes, nga adda 22 a reclamation project iti Manila Bay.
Segun ken ni PRA Assistant General Manager Joseph John M. Literal, adda 22 a reclamation project iti entero a pagilian, ket saan laeng nga iti Manila Bay.
Kinuna ni Literal nga agpada koma ti bilangda iti DENR ta naibatay ti panagaprobarda iti ECC (Environmental Compliance Certificates) ken area clearance nga aggapu iti DENR.
TURISMO: Intayon Idiay Ayuyang Garden iti Pila, Siudad ti Laoag!
Kiniddaw ti media ti biang ti DENR, ngem awan pay impaulog daytoy a komento.
Innayon ni Literal a dagiti 13 a proyekto iti Manila Bay ket adda iti NCR ken iti kabangibang a paset ti Cavite.
Idi Agosto 10, inlawlawag ni DENR Secretary Maria Antonia “Toni” Yulo-Loyzaga a suspendido amin a reclamation project iti Manila Bay bayat a mareprepaso dagitoy ken kas imbilin ni Presidente Ferdinand “Bongbong” R. Marcos Jr. (Jel Santos/Manila Bulletin)
