Impakaammo ti Department of Education (DepEd) nga agdagup iti nasurok a 470 nga eskuela ti nadadael gapu iti bagyo Egay ken Falcon, a pinakaro ti abagat.
Adda nadadael nga eskuela iti Cordillera Administrative Region (CAR), National Capital Region (NCR), Rehion 1 (Ilocos Region), Rehion 2 (Cagayan Valley), Rehion 3 (Central Luzon), Rehion 4A (CALABARZON), Rehion 4B (MIMAROPA), Rehion 5 (Bicol), ken Rehion 8 (Eastern Visayas).
Innayon ti DepEd nga adda pito nga eskuela nga agserserbi pay laeng a pagbakuitan iti CAR, Rehion 1, 2, 3, ken 6.
Tapno matarimaan dagiti nadadael nga impraestruktura, mapattapatta ti DepEd a PhP1.77-bilion ti pondo a kasapulan.
TURISMO: Intayon Idiay Ayuyang Garden iti Pila, Siudad ti Laoag!
Impanamnama ni DepEd Undersecretary ken Spokesperson Michael Poa a wanwanawanan daytoy dagiti eskuela a naapektaran ti bagyo, nangruna dagiti nakaro ti pannakadadaelda.(Merlina Hernando-Malipot/Manila Bulletin)
