Gapu iti ingingina ti bagas, angayen ita ti House Committee on Agriculture and Food nga idauluan ni Quezon 1st District Rep. Wilfrido Mark Enverga ti maysa nga innuman maipanggep iti kasasaad ti suplay ti bagas iti pagilian.
Daytoy ti impakaammo ni House Speaker Martin Romualdez kalpasan ti pettat nga isasarungkarna iti Nepa Q-Mart ken iti tiendaan ti Commonwealth iti Quezon City tapno ammuenna ti presio ti sibuyas ken bagas.
Segun ken ni Romualdez, paayabanda dagiti atapenda nga agilemlemmeng iti bagas ken dagiti maseknan iti industria ti bagas, kas iti naaramid idi palutpotenda no apay a kasta la unayen ti kinangina ti bawang ken sibuyas.
Iti biang ti Senado, patien ni Senator Cynthia Villar, pangulo ti Committee on Agriculture, Food, and Agrarian Reform, a saan nga agkurkurang ti bagas; ketdi,daytoy a mapaspasamak ita, maysa laeng a panangmanipular iti presio ti bagas. (Ellson Quismoro/Manila Bulletin)
