Imbatad ti Department of Labor and Employment (DOLE) a kaaduan a construction project iti Metro Manila ti di agtungtungpal kadagiti pagalagadan iti occupational safety and health (OSH); ngarud, agdidiaya met iti peggad dagiti trabahadorda.
Kinuna ti DOLE nga iti 95 a construction project a binisitada iti National Capital Region (NCR) manipud Agosto 1 agingga iti 15, adda 52 a natakuatan a naglabsing.
Kaaduan a nalabsing ti kaawan kopiada iti Construction Safety and Health Program iti pagobraan, ken ti di umdas wenno awan nadutokan nga OSH staff nga agserbi a kas safety officers ken first responders.
Malaksid iti dayta, natakuatan pay ti DOLE nga awan ti safety health committee kadagitoy a proyekto, adda dagiti mangmangged nga awanan iti personal protective equipment (PPE), ket no adda man, saan met nga umisu ti panagusarda iti PPE.
Mannurat ti Bannawag Clotilde C. Alzate, rinambakanna ti maika-100 a panagkasangayna
Binalakadan ti DOLE dagiti 20 a construction site a naglabsing iti PPE nga aturenda dagitoy a nagkuranganda iti kabiitan a panawen.
Pinalagipan ti DOLE dagiti contruction site a tungpalenda koma dagiti pagalagadan iti OSH tapno maipanamnama ti kinatalged ti amin. (Manila Bulletin)
