Namnamaen ni Presidente Ferdinand "Bongbong" Marcos Jr. nga agtalna ti presio ti bagas iti panangrugi ti panagapit kadagiti rehion a kangrunaan a paggapuan ti bagas.
Segun ken ni Agriculture Undersecretary for Rice Industry Development Leo Sebastian, adda 900,000 tonelada metrika a maapit kadagiti probinsia ti Isabela, Nueva Ecija, ken North Cotabato.
Innayonna a mapan a 11-milion a tonelada metrika ti manamnama a maapit kadagiti bulan ti Septiembre agingga iti Oktobre.
Iti maysa a video a naipaskil iti social media ti Presidential Communications Office (PCO), impanamnama ni PBBM iti publiko a nainget a bambantayanda ti suplay ken presio ti bagas.
TURISMO: Intayon Idiay Ayuyang Garden iti Pila, Siudad ti Laoag!
Segun ken PBBM a dauluen pay ti DA a bambantayanda ti presio ti irik ken patienna a saan nga aggaraw ti presio ti bagas inton umadu ti suplay ken adda umdas a lebben a bagas.
Iti napalabas a lawas, impanamnama ni PBBM iti publiko nga adda umdas a suplay ti bagas iti pagilian ket agpaut daytoy uray nalpaston ti gawat inton umay a tawen. (Argyll Cyrus Geducos/Manila Bulletin)
