SIGLAT AWARDEE. Napadayawan a kas maysa kadagiti Siglat Awardee bayat ti Siglat Eskuela ni Xyrose Eleine T. Poblacion (kakanawanan) manipud iti Namruangan Elementary School iti Cabugao, Ilocos Sur. Naipaay ti pammadayaw kenkuana kas Provincial Champion ken 2nd Placer iti sibubukel a Region 1 iti Editorial Cartooning (English Category) ti Schools Press Conference. Maysa a wagas ti gobierno probinsial ti Ilocos Sur ti pannakaipaay ti Siglat Award tapno mabigbig ken maikkan iti insentibo dagiti estudiante ti Ilocos Sur a nangitandudo iti nagan ti probinsia iti regional, national ken international a kompetision. Imbagian da Ms. Edralina Regua (kakanigidan) manipud iti Provincial Education and Scholarship Affairs Office ken Dr. Joel Lopez (maikapat manipud kanigid), Superintendente ti Department of Education (DepEd) Ilocos Sur Division, ni Gobernador Jeremias “Jerry” C. Singson bayat ti programa a naangay iti Vigan Convention Center idi Agosto 17, 2023. (Mancielito S. Tacadena)
